24 feb 2011

L'Enfrontinazo de Civilizacions

Bernard Werber ye un d’os escritors franceses más conoixitos amás amás per a suya trilochía sobr’as fornigas. En a suya obra se puet trobar dende mitolochía a espritugalidat, scencia-ficción, biolochía, filosofía,…
Un eixemplo d’ista zaguera ye o venient texto, extrayito d’a novela “As Fornigas”, primera d’a esmentata trilochía. A suya obra más famosa.


" L’ENFRONTINAZO DE CIVILIZACIONS.

O contacto dentre dos civilizacions ye cutio un inte delicau. Dentre os grans compromisos que han conoixito os sers humans, se puet esmentar o caso d’os negros africans, feitos esclaus n’o sieglo XVIII.

A mayor parti d’as poblacions que s’emplegaban ta la esclavitut viveban en tierras con planetas y selvas. Mai no heban veyito a mar. Y, de sopetón, un rei vecín plegaba ta fer-lis a guerra sin d’enchaquia aparent, y dimpués, en cuenta de matar-los a totz, los se portiaban cautivos, los estrincaban y lis feban caminar enta la costa.

En zagueras d’ixas peripecias, escubillaban dos cosas inreplecables: I) a Mar inmensa, II) Os europeyos de pelello blango.

Respeutive a la mar, anque no la heban veyito dreitament, lis feba conoixita per meyación d’as falordias como o país d’os muertos.

Y sobr’os hombres blangos, ta ells yeran como sers extraterrestres, teneban una ulor desagradable, o suyo pelello yera d’una color extrania, portiaban prendas de vistir extranias.

Muitos moriban de medrana, otris, enbarrenaus, blincaban d’as naus y os tiburons los se minchaban. Los sobrevivientz iban, per a suya parti, de sorpriesa en sorpriesa. Pos, que veyeban? Per eixemplo, qu’os blangos bebeban vin. Y ells yeran seguros de que’n yera sangre.

A sangre d’o suyo pueblo".

1 comentario:

Si en queretz, podetz deixar un comentario astí