28 sept 2015

Una tierra on meta Libertat

Bi habrá un diya
en que totz
en debantar a vista
veyeremos una tierra
on meta libertat.

Chirmán, tien a man de yo,
será tuya a mía frent,
y ro tuyo cenyo terne
cayerá sin debantar
airegazos de medrana
debant d’a libertat.

Feremos o camín
en un mesmo trazato,
chunindo ros nuestros huembros
ta asinas debantar
t' aquers que cayoron
chilando libertat.

Bi habrá un diya
en que totz
en debantar a vista
veyeremos una tierra
on meta libertat.

Bandiarán as campanas
dende ros campanals,
y ros campos disiertos
tornarán a cuallar
unas brancas bien d'altas
ya prestas ta ro pan.


Ta un pan que en os sieglos
mai no estié truixato
dentre todas as chents
que ficioron o posible
por empentar a historia
enta ra libertat.

Bi habrá un diya
en que totz
en debantar a vista
veyeremos una tierra
on meta libertat

Tamién será posible
que ixe maitín políu
ni tu, ni yo, ni l’atro
l’abastemos a veyer;
pero caldrá empentar-lo
ta que i pueda naixer.

Que siga como l'airera
que ranque ros aborrals
trayendo ra verdat
y escosque ros camins
de sieglos d’estricallas
cuentra ra libertat.

Bi habrá un diya
en que totz
en debantar a vista
veyeremos una tierra
on meta libertat

Bi habrá un diya
en que totz
en debantar a vista
veyeremos una tierra
on meta libertat
Chusé Antón Labordeta
Himno oficioso d'Aragón n'a luenga aragonesa


No hay comentarios:

Publicar un comentario

Si en queretz, podetz deixar un comentario astí