24 d’oct. 2012

Meter tot en qüestión. Noam Chomsky


Noam Chomsky ye filosofo, escritor, controvertiu activista y un d'os lingüistas més brilosos y reconeixius d'a humanidat. O suyo treballo ye estudiato en as universidatz de tot o mundo, dende facultatz de psicolochía dica titolacions lingüisticas, pasando per muitas atras disciplinas.Dada a suya brilosidat en tot lo qu'en fa, muitas son as frases que mos ha deixadas en istas zagueras anyadas de cerenyo activismo politico. Mái no ye mala ideya - per a suya actualidat, oportunidat y agudeza-  remerar bell unas:



"A tradición intelectual ye de servilismo enta ro poder, y si yo no la traicionase, m'averguenyarba de yo  mesmo".

"Quí son os guardians d'a historia? Os historiadors, naturalment. As clases educadas, en cheneral. Parti d'o suyo treballo ye farchar a nuestra visión d'o pasau de traza que empare os intreses d'o poder present. Si no en fan asinas, serán prebablement marguinaus d'una traza u d'unatra".


"A democracia participativa presuposa a capabilidat d'a chent normal ta chunir os suyos encletaus recursos, ta farchar y desenvolicar ideyas y pogramas, encluyir-los en l'achenda politica y actugar en o suyo emparo. En ausencia de recursos y tarabidaus organizativos que faigan posible ista actividat, a democracia se limita a ra opción de trigar d'entre qualques candidatos que represientan os intreses d'una u d'unatra clica que'n tien un alacet  de poder independient, aficada per un cheneral en l'economía privada".


"Si no desenvolicamos una cultura democratica constant y viva, capable d'embrecar a ros candidatos, ells no ferán pas ixo per qualo lis votés. Pretar un botón y dimpués marchar ta casa tuya no cambeyará pon ".


"Si asumes que no existe asperanza, yes guaranciando  que  no bi'n habrá. Si asumes que existe un instinto enta ra  libertat, que bi'n ha  oportunidatz ta cambear as cosas, allora bi ha una opción ta que puedas contrebuyir a fer un mundo millor. Ye una decisión de tú.".




"No calerbanos d'estar escando heroes, calerbanos d'estar escando buenas ideyas".


"A chent apoca  per a suya propia subordinación".



A la fín, tos deixo una frase d'ell qu'en resume a suya actitut debant d'a vida: 


"Mái no he valurato unatra opción que no estase qüestionar-me tot"






En verdat creigo que vall o penar trayer astí as frases agudas d'iste gran y reputau filósofo americán. Més que més, agora que sembla que patimos una estafa con farcha de crisi economica en un mundo tant aparentament absurdo que prefiere premiar a l'ignorant y catigar  a qui amuestra un pensamiento cretico y diverchent. Agora que o tarabidau institucional s'esfalda, ye més que mái important, qüestionar-ne tot.

Cap comentari:

Publica un comentari a l'entrada

Si en queretz, podetz deixar un comentario astí